Իսպանիայի գավաթ. «Սեւիլիան» հետխաղային 11 մետրանոցներով հաղթեց չորրորդ դիվիզիոնի թիմին

00:51   16 դեկտեմբերի, 2021

«Սեւիլիան» դուրս եկավ ֆուտբոլի Իսպանիայի գավաթի խաղարկության 1/16 եզրափակիչ՝ պայքարից դուրս թողնելով չորրորդ դիվիզիոնում հանդես եկող «Անդրայչին», որը ներկայացնում է Բալեարյան կղզիները։

Պրիմերայի երկրորդ տեղում ընթացող «Սեւիլիան» միայն հետխաղային 11 մետրանոցներով առավելության հասավ «Անդրայչի» նկատմամբ՝  6։5։ Հիմնական եւ լրացուցիչ ժամանակն ավարտվել էր ոչ ոքի՝ 1։1։

1/32 եզրափակիչի մյուս հանդիպումներում «Ռեալ Սոսյեդադը» 3։0 հաշվով հաղթեց «Սամորային», «Ռայո Վալյեկանոն» 3։1 հաշվով պարտության մատնեց «Բերգանտինյոսին»։ Հաղթող թիմերը դուրս եկան հաջորդ փուլ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։