«Լիվերպուլը», «Չելսին» ու «Արսենալը» հաղթեցին տնային խաղերում (տեսանյութ)

Անգլիայի առաջնության 16-րդ տուրում «Լիվերպուլն» ընդունեց «Աստոն Վիլային»։ Հյուրերը «Լիվերպուլի» լեգենդար ֆուտբոլիստ Սթիվեն Ջերարդի գլխավորությամբ պարտություն կրեցին նվազագույն հաշվով։ Միակ գոլը 11 մետրանոցից խփեց եգիպտացի հարձակվող Մոհամեդ Սալահը։ Գերմանացի Յուրգեն Կլոպի գլխավորած թիմը 37 միավորով երկրորդն է եւ 1 միավոր է հետ առաջատար «Մանչեսթեր Սիթիից»։ «Աստոն Վիլան» 12-րդն է՝ 19 միավոր։

«Չելսին» տանը մրցեց «Լիդս Յունայթեդի» հետ։ Գերմանացի Թոմաս Տուխելի գլխավորած թիմն առավելության հասավ 3։2 հաշվով։ «Չելսին» 36 միավորով երրորդն է, «Լիդս Յունայթեդը» 15-րդ տեղում է՝ 16 միավոր։

«Արսենալը» Լոնդոնում հյուրընկալեց «Սաութհեմփթոնին»։ Իսպանացի Միկել Արտետայի ղեկավարած թիմը հաղթեց մեծ առավելությամբ՝ 3։0։ «Արսենալը» 5-րդ տեղում է՝ 26 միավոր։ «Սաութհեմփթոնը» 16-րդն է՝ 16 միավոր։

Անգլիայի առաջնություն, 16-րդ տուր

«Լիվերպուլ» - «Աստոն Վիլա»՝ 1։0 (տեսանյութ)

Մոհամեդ Սալահ, 67, 11մ 

«Չելսի» - «Լիդս Յունայթեդ»՝ 3։2 (տեսանյութ)

Մեյսոն Մաունթ, 42, Ժորժինյո, 58, 11մ, 90+4, 11մ - Ռաֆայել, 28, 11մ, Ջո Ջելհարդտ, 83

 «Արսենալ» - «Սաութհեմփթոն»՝ 3։0 (տեսանյութ)

Ալեքսանդր Լյակազեթ, 21, Մարտին Էդեգոր, 27, Գաբրիել, 62

«Նորվիչ Սիթի» - «Մանչեսթեր Յունայթեդ»՝ 21։30 (Երեւանի ժամանակ)