31-ամյա նորվեգացի Մագնուս Կարլսենը (2855) չորրորդ անգամ պաշտպանեց շախմատի աշխարհի չեմպիոնի տիտղոսը։
Դուբայում անցկացված չեմպիոնական մրցամարտում Կարլսենը 7,5։3,5 հաշվով պարտության մատնեց տիտղոսի հավակնորդ, 31-ամյա ռուսաստանցի Յան Նեպոմնյաշչին (2782)։ 11-րդ պարտիայում Կարլսենը սեւ ֆիգուրներով առավելության հասավ 49 քայլում։
Կարլսենը տարավ 4 հաղթանակ, 7 պարտիա ավարտվեց ոչ ոքի։ Նախատեսված էր անցկացնել 14 դասական պարտիա։
2013-ին աշխարհի չեմպիոնի կոչումը հնդիկ Վիշի Անանդի դեմ մրցամարտում նվաճած Մագնուս Կարլսենը չորրորդ անգամ պաշտպանեց տիտղոսը։
Կարլսենը կստանա 1,2 միլիոն եվրո, Նեպոմնյաշչին՝ 800 հազար եվրո։
The final handshake. #CarlsenNepo pic.twitter.com/CXyMQk2Xkc
— International Chess Federation (@FIDE_chess) December 10, 2021
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։