Ռոնալդուի նվաճումը կրկնած Ալեր. Ուրախության եւ հպարտության առիթ ունեմ

14:58   8 դեկտեմբերի, 2021

Ամստերդամի «Այաքսի» 27-ամյա ֆրանսիացի հարձակվող Սեբաստիեն Ալերը մեկնաբանել է  իր կողմից անգլիական «Մանչեսթեր Յունայթեդի» 36-ամյա պորտուգալացի հարձակվող Կրիշտիանու Ռոնալդուի նվաճման կրկնությունը։ Ալերը գոլի հեղինակ է դարձել Չեմպիոնների լիգայի խմբային մրցաշարի բոլոր հանդիպումներում։

«Իհարկե, ես երբեք չէի մտածում, որ կկարողանամ 6 խաղում 10 գոլ խփել, այն էլ՝ Չեմպիոնների լիգայում իմ առաջին հանդիպումներում։ Այս մակարդակում միայն ցանկանում ես լավ խաղալ եւ լինել լավ մարզավիճակում։ 10 գոլի մասին նույնիսկ չէի երազում։ Այնպես որ, այսօր ուրախության եւ հպարտության առիթ ունեմ»,- Ալերի խոսքը մեջբերում է Goal.com-ը։

Վերջին տուրում «Այաքսը» 4։2 հաշվով պարտության էր մատնել պորտուգալական «Սպորտինգին»։ Ալերը 10 գոլով մրցաշարի լավագույն ռմբարկուն է։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։