Չեմպիոնների լիգայի խմբային մրցաշարի վերջին տուրի հանդիպումները տեղի ունեցան նաեւ B, C եւ D խմբերում։
B խմբում առաջին տեղն ու փլեյ-օֆֆի ուղեգիրն ապահոված անգլիական «Լիվերպուլը» հյուրընկալվեց «Միլանին» եւ հաղթեց 2։1 հաշվով։ Յուրգեն Կլոպի գլխավորած թիմը տարավ 6-րդ հաղթանակը։
Իտալական թիմը 4 միավորով գրավեց վերջին տեղը, իսկ 1/8 եզրափակիչի երկրորդ ուղեգիրն այս խմբից նվաճեց Իսպանիայի չեմպիոն Մադրիդի «Աթլետիկոն», որը Պորտուգալիայում 3։1 հաշվով առավելության հասավ «Պորտուի» նկատմամբ եւ վաստակեց 7 միավոր։ «Պորտուն» 5 միավորով երրորդն է եւ պայքարը կշարունակի Եվրոպայի լիգայի 1/16 եզրափակիչում։
C խմբում դեռ նախորդ տուրում Ամստերդամի «Այաքսն» ու Լիսաբոնի «Սպորտինգը» նվաճել էին 1/8 եզրափակիչի ուղեգրերը, իսկ Դորտմունդի «Բորուսիան»՝ Եվրոպայի լիգայի 1/16 եզրափակիչի ուղեգիրը։
6-րդ տուրում «Այաքսը» 4։2 հաշվով հաղթեց «Սպորտինգին», դորտմունդյան թիմը 5։0 հաշվով պարտության մատնեց թուրքական «Բեշիկթաշին»։
Վերջին տուրից առաջ նույն դրությունն էր նաեւ D խմբում։ Մադրիդի «Ռեալն» ու Իտալիայի չեմպիոն Միլանի «Ինտերը» 1/8 եզրափակիչում են, Տիրասպոլի «Շերիֆը» պայքարը կշարունակի Եվրոպայի լիգայի փլեյ-օֆֆում։
6-րդ տուրում «Ռեալը» տանը 2։0 հաշվով հաղթեց «Ինտերին», «Շախտյորն» ու «Շերիֆը» խաղացին ոչ ոքի՝ 1։1։
Չեմպիոնների լիգա, 6-րդ տուր
B խումբ
«Միլան» - «Լիվերպուլ»՝ 1։2 (տեսանյութ)
Ֆիկայո Տոմորի, 29 - Մոհամեդ Սալահ, 36, Դիվոկ Օրիգի, 55
«Պորտու» - «Աթլետիկո»՝ 1։3 (տեսանյութ)
Սերժիո Օլիվեյրա, 90+5, 11մ - Անտուան Գրիզման, 56, Անխել Կոռեա, 90, Ռոդրիգո Դե Պաուլ, 90+2
Հեռացումներ՝ Յանիկ Կարասկո («Աթլետիկո») 67, Վենդել («Պորտու»), 70, Ագուստին Մարկեսին («Պորտու»), 75
Մրցաշարային դրություն․ «Լիվերպուլ»՝ 18, «Աթլետիկո»՝ 7, «Պորտու»՝ 5, «Միլան»՝ 4։
C խումբ
«Այաքս» - «Սպորտինգ»՝ 4։2
Սեբաստիե Ալեր, 8, Անտոնի, 42, Դավիդ Ներես, 58, Սթիվեն Բերգեյս, 62 – Նունու Սանտուշ, 22, Բրունու Տաբատա, 78
«Բորուսիա Դորտմունդ» - «Բեշիկթաշ»՝ 5։0
Դոնիել Մալեն, 29, Մարկո Ռոյս, 45+2, 11մ, 53, Էրլինգ Հոլանդ, 68, 81
Հեռացում՝ Վելինտոն («Բեշիկթաշ»), 43
Մրցաշարային դրություն․ «Այաքս»՝ 18, «Սպորտինգ»՝ 9, «Բորուսիա Դ․»՝ 9, «Բեշիկթաշ»՝ 0։
D խումբ
«Ռեալ» - «Ինտեր»՝ 2։0 (տեսանյութ)
Տոնի Կրոս, 17, Մարկո Ասենսիո, 79
Հեռացում՝ Նիկոլո Բարելա («Ինտեր»), 64
«Շախտյոր Դոնեցկ» - «Շերիֆ»՝ 1։1
Ֆերնանդո, 42 - Բոբան Նիկոլով, 90+3
Մրցաշարային դրություն․ «Ռեալ»՝ 15, «Ինտեր»՝ 10, «Շերիֆ»՝ 7, «Շախտյոր»՝ 2։
A խումբ
«ՌԲ Լայպցիգ» - «Մանչեսթեր Սիթի»՝ 2։1 (տեսանյութ)
Դոմինիկ Սոբոսլաի, 24, Անդրե Սիլվա, 71 - Ռիյադ Մահրեզ, 77
Հեռացում՝ Կայլ Ուոքեր («Մանչեսթեր Սիթի»), 83
ՊՍԺ - «Բրյուգե»՝ 4։1 (տեսանյութ)
Կիլիան Մբապե, 2, 7, Լիոնել Մեսի, 38, 76, 11մ - Մատս Ռիտս, 68
Մրցաշարային դրություն․ «Մանչեսթեր Սիթի»՝ 12 միավոր, ՊՍԺ՝ 11, «ՌԲ Լայպցիգ»՝ 7, «Բրյուգե»՝ 4։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։