Արսեն Հարությունյան․ Հավելավճարներս մեր համայնքի բարեգործության ծրագրի մեջ եմ ներդնելու

00:22   8 դեկտեմբերի, 2021

Ազատ ոճի ըմբշամարտի Հայաստանի հավաքականի առաջատարներից Արսեն Հարությունյանն այս տարի միջազգային մրցումներում նվաճած մեդալների համար բոլոր պետական պարգեւավճարները կհատկացնի Արարատի մարզի Մարմարաշեն գյուղին։

«Փորձում եմ ամեն տարի մեր համայնքի բնակիչներին ինչ-որ չափ ուրախացնել։ Այս տարի որոշեցի Ամանորի և Սուրբ Ծնունդի կապակցությամբ ուրախացնել փոքրիկներին։ Աշխարհի չեմպիոն լինելուս բոլոր պետական հավելավճարները ամբողջությամբ մեր համայնքի բարեգործության ծրագրի մեջ եմ ներդնելու»,- գրել է Արսեն Հարությունյանը ֆեյսբուքյան էջում։

Հիշեցնենք, որ այս տարի Նորվեգիայի մայրաքաղաք Օսլոյում անցկացված ազատ ոճի ըմբշամարտի աշխարհի առաջնությունում Արսեն Հարությունյանը 61 կգ քաշային կարգում նվաճեց բրոնզե մեդալ։

Սերբիայի մայրաքաղաք Բելգրադում տեղի ունեցած մինչեւ 23 տարեկանների աշխարհի առաջնությունում նա դարձավ ոսկե մեդալակիր։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։