Հոլանդը 2021-ին խփած գոլերի քանակով հավասարվեց Ռոնալդուին եւ Մբապեին

13:37   5 դեկտեմբերի, 2021

Մյունխենի «Բավարիայի» դեմ Գերմանիայի առաջնության խաղում  խփած գոլի շնորհիվ Դորտմունդի «Բորուսիայի» 21-ամյա հարձակվող Էրլինգ Հոլանդը 2021 թվականին խփած գոլերի քանակով հավասարվեց անգլիական «Մանչեսթեր Յունայթեդի» պորտուգալացի հարձակվող Կրիշտիանու Ռոնալդուին եւ ֆրանսիական ՊՍԺ-ի ֆրանսիացի հարձակվող Կիլիան Մբապեին։ Երեքն էլ խփել են 45 գոլ։ «Բորուսիան» «Բավարիային» պարտվել էր 2։3 հաշվով։

Մադրիդի «Ռեալի» ֆրանսիացի հարձակվող Քարիմ Բենզեման այս տարի խփել է 44 գոլ, Լոնդոնի «Տոտենհեմի» անգլիացի հարձակվող Հարի Քեյնը եւ ֆրանսիական ՊՍԺ-ի արգենտինացի հարձակվող Լիոնել Մեսին՝ 41-ական գոլ։

Առաջատարը Գերմանիայի չեմպիոն Մյունխենի «Բավարիայի» լեհ հարձակվող Ռոբերտ Լեւանդովսկին է, որն այս տարի խփել է 66 գոլ։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։