Վեյնալդումի գոլն ավելացված ժամանակում ՊՍԺ-ին փրկեց պարտությունից (տեսանյութ)

02:02   5 դեկտեմբերի, 2021

Ֆրանսիայի առաջնության 17-րդ տուրում ՊՍԺ-ն մրցակցի խաղադաշտում հանդիպեց «Լանսի» հետ։ Արգենտինացի Մաուրիսիո Պոչետինոյի գլխավորած թիմը բավարարվեց ոչ ոքի արդյունքով՝ 1։1։

Դաշտի տերերը 62-րդ րոպեին առաջ անցան հաշվի մեջ։ Աչքի ընկավ կոտդիվուարցի կիսապաշտպան Սեկո Ֆոֆանան։

ՊՍԺ-ին պարտությունից փրկեց հոլանդացի կիսապաշտպան Ժորժինյո Վեյնալդուի գոլը ավելացված ժամանակում։ Գոլային փոխանցումը կատարեց ֆրանսիացի հարձակվող Կիլիան Մբապեն։ Երկուսն էլ փոխարինման էին դուրս եկել 70-րդ րոպեին։ ՊՍԺ-ի արգենտինացի հարձակվող, «Ոսկե գնդակի» 7-ակի դափնեկիր Լիոնել Մեսին անցկացրեց ամբողջ հանդիպումը։

ՊՍԺ-ն 42 միավորով գլխավորում է մրցաշարային աղյուսակը։ Երկրորդ տեղում ընթացող «Մարսելը» 16 խաղում վաստակել է 29 միավոր։ «Լանսը» 5-րդն է՝ 27 միավոր։

Ֆրանսիայի առաջնություն, 17-րդ տուր

«Լանս» - ՊՍԺ՝ 1։1 (տեսանյութ)

Սեկո Ֆոֆանա, 62 - Ժորժինյո Վեյնալդում, 90+2



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։