«Ռոմա» - «Ինտեր»՝ 0։3 (ֆոտո, վիդեո)

22:49   4 դեկտեմբերի, 2021

Իտալիայի առաջնության 16-րդ տուրում չեմպիոն «Ինտերը» հյուրընկալվեց «Ռոմային»։ Իտալացի Սիմոնե Ինձագիի գլխավորած թիմն առավելության հասավ 3։0 հաշվով։

Հյուրերը «Ռոմայի» դարպասին կատարեցին 4 հարված, որից 3-ը վերածվեց գոլի։ 15-րդ րոպեին հանդիպման հաշիվը բացեց թուրք կիսապաշտպան Հական Չալհանօգլուն, որը 9 րոպե անց նաեւ գոլային փոխանցում կատարեց բոսնիացի հարձակվող Էդին Ջեկոյին։ 39-րդ րոպեին «Ինտերի» երրորդ գոլը խփեց հոլանդացի պաշտպան Դենզել Դումֆրիսը։ Գոլային փոխանցումը կատարեց իտալացի պաշտպան Ալեսանդրո Բաստոնին։

Հայաստանի հավաքականի կիսապաշտպան Հենրիխ Մխիթարյանը «Ռոմայի» մեկնարկային կազմում էր եւ անցկացրեց ամբողջ հանդիպումը։

«Ինտերը» 37 միավորով երկրորդն է եւ 1 միավոր է հետ առաջատար «Միլանից»։ 1 հանդիպում քիչ անցկացրած «Նապոլին» 36 միավորով երրորդն է եւ այս տուրում կմրցի չորրորդ տեղում ընթացող «Ատալանտայի» հետ։ «Ռոման» 5-րդն է՝ 25 միավոր։

Իտալիայի առաջնություն, 16-րդ տուր

«Ռոմա» - «Ինտեր»՝ 0։3 (տեսանյութ)

Հական Չալհանօգլու, 15, Էդին Ջեկո, 24, Դենզել Դյումֆրիս, 39

«Նապոլի» - «Ատալանտա»՝ 23։45 (Երեւանի ժամանակ)



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։