Լիոնել Մեսի․ Երբեք չեմ ցանկացել լինել լավագույնը պատմության մեջ

11:07   5 դեկտեմբերի, 2021

Ֆրանսիական ՊՍԺ-ի եւ Ամերիկայի գավաթակիր Արգենտինայի հավաքականի հարձակվող Լիոնել Մեսին հայտարարել է, որ ինքն իրեն չի համարում բոլոր ժամանակների լավագույն ֆուտբոլիստ։

«Ես երբեք չեմ ասել, որ ես եմ բոլոր ժամանակների լավագույն ֆուտբոլիստը։ Ուրախ եմ, որ ինձ համարում են լավագույններից մեկը, դա էլ բավարար է։ Դա ինձ չի հետաքրքրում, երբեք չեմ ցանկացել լինել լավագույնը պատմության մեջ։

Երբեք չեմ սիրել լինել որեւէ մեկի համար կուռք կամ դերային մոդել եւ խորհուրդներ տալ։ Ես պայքարել եմ իմ երազանքների համար։ Սկզբում պետք է դառնայի պրոֆեսիոնալ ֆուտբոլիստ, հետո է ձգտում էի ամեն տարի բարելավել խաղս, կատարելագործվել եւ հասնել նոր նպատակների։ Այդ ամենում կա հաջողության որոշակի գործոն։ Ես հավատում եմ, որ Աստված ինձ համար նախատեսել էր այս ճանապարհը»,- Մեսիի խոսքը մեջբերում է France Football-ը։

Հիշեցնենք, որ 34-ամյա ֆուտբոլիստը 7-րդ անգամ արժանացել է աշխարհի լավագույն խաղացողի «Ոսկե գնդակ» մրցանակին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։