Իտալական «Ռոմայի» պորտուգալացի գլխավոր մարզիչ Ժոզե Մոուրինյոն հետաքրքված է Գերմանիայի չեմպիոն Մյունխենի «Բավարիայի» կիսապաշտպան Մարկ Ռոկայի ծառայություններով, հաղորդում է իտալական Corriere dello Sport-ը։
Հռոմեական ակումբը կփորձի հունվարին ձեռք բերել 25-ամյա իսպանացի ֆուտբոլիստին, որը դժգոհ է գերմանացի Յուլիան Նագելսմանի գլխավորած թիմում խաղային պրակտիկայի պակասից։
Այս մրցաշրջանում Մարկ Ռոկան մասնակցել է մեկ հանդիպման՝ Չեմպիոնների լիգայի խմբային մրցաշարի նախավերջին տուրի խաղում (2։1) դուրս գալով փոխարինման եւ անցկացնելով 23 րոպե։
Մարկ Ռոկան «Էսպանյոլի» սան է, իսպանական ակումբի երիտասարդական եւ գլխավոր թիմերում հանդես է եկել 2007-2020-ին, «Բավարիա» է տեղափոխվել 2020թ․ հոկտեմբերին՝ կնքելով 5 տարվա պայմանագիր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։