Պոչետինո. Մեսին մեզ շատ է օգնում, գոլեր էլ կլինեն

Ֆրանսիական ՊՍԺ-ի արգենտինացի գլխավոր մարզիչ Մաուրիսիո Պոչետինոն «Լանսի» դեմ Ֆրանսիայի առաջնության 17-րդ տուրի հանդիպումից առաջ նշել է, որ գոհ է թիմի արգենտինացի հարձակվող, «Ոսկե գնդակի» 7-ակի դափնեկիր Լիոնել Մեսիից։

«Լեոն ֆուտբոլիստ է, որը միշտ է գոլեր խփել։ Դա ընդամենը ժամանակի եւ արդյունավետության խնդիր է։ Նա ամեն խաղում էլ գոլային պահեր ունենում է։ Ժամանակի հետ կլինեն նաեւ գոլեր։

Մեսին մեզ շատ կօգնի, ինչը եւ արդեն անում է»,- Պոչետինոյի խոսքը մեջբերում է ՊՍԺ-ի մամուլի ծառայությունը։

Ֆրանսիայի ընթացիկ առաջնությունում Մեսին մասնակցել է 8 հանդիպման, խփել 1 գոլ։

«Լանս» - ՊՍԺ հանդիպումը տեղի կունենա դեկտեմբերի 4-ին։