Մադրիդի «Ռեալը» հաջորդ ամռանը նախատեսում է կազմի վերակառուցում։ Արքայական ակումբի տեսադաշտում են Դորտմունդի «Բորուսիայի» նորվեգացի հարձակվող Էրլինգ Հոլանդն ու ֆրանսիական ՊՍԺ-ի ֆրանսիացի հարձակվող Կիլիան Մբապեն։
Երիտասարդ հարձակվողների գալուց հետո կազմից դուրս կմնա 33-ամյա ֆրանսիացի Քարիմ Բենզեման։ Իրավիճակից ցանկանում է օգտվել անգլիական «Լիվերպուլը», որը հետաքրքրված է Բենզեմայի ծառայություններով, հաղորդում է El Nacional-ը։
ՊՍԺ-ն ցանկություն ունի Բենզեմայի տեղափոխությունը ներառել Մբապեի տրանսֆերի գործարքում։ «Ռեալի» ղեկավարությունն ավելի նպատակահարմար է համարում ֆրանսիացի հարձակվողի տեղափոխությունը «Լիվերպուլ»։
Բենզեման նույնպես կողմ է կարիերան Անգլիայի Պրեմիեր լիգայում շարունակելուն։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։