Բենզեման կրկնեց իր արդյունավետության ռեկորդը

11:16   2 դեկտեմբերի, 2021

Մադրիդի «Ռեալի» ֆրանսիացի հարձակվող Քարիմ Բենզեման Բիլբաոյի «Աթլետիկի» դեմ Իսպանիայի առաջնության խաղում խփած գոլի շնորհիվ կրկնեց իր արդյունավետության ռեկորդը մեկ օրացուցային տարում։ Արքայական թիմը հաղթել է 1։0 հաշվով։

33-ամյա ֆուտբոլիստը 2021 թվականին բոլոր ակումբային մրցաշարերում գոլերի քանակը հասցրեց 35-ի, ինչը 2019 թվականի անձնական ռեկորդի կրկնությունն է։ Այն ժամանակ Բենզեման 35 գոլը խփել էր 50 խաղում, այս տարի դեռ անցկացրել է 46 հանդիպում եւ կարող է բարելավել ռեկորդը մնացած 5 հանդիպումներում։

«Ռեալն» այս տարի դեռ մրցելու է «Ռեալ Սոսյեդադի», Միլանի «Ինտերի», Մադրիդի «Աթլետիկոյի», «Կադիսի» եւ դարձյալ «Աթլետիկի» հետ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։