Դեւիսի գավաթ․ Սերբիան հաղթեց ղազախներին եւ կիսաեզրափակիչում կմրցի Խորվաթիայի հետ (ֆոտո)

09:19   2 դեկտեմբերի, 2021

Թենիսի Դեւիսի գավաթի խաղարկության քառորդ եզրափակիչում Սերբիայի հավաքականը 2:1 հաշվով առավելության հասավ ղազախների նկատմամբ։

Մենախաղի առաջին զույգում ղազախ Միխայիլ Կուկուշկինը 7։6 (7։5), 4։6, 7։6 (13։11) հաղթեց Միոմիր Կեցմանովիչին։ Դիմակայության հաշվի հավասարությունը վերականգնեց աշխարհի առաջին ռակետ Նովակ Ջոկովիչը, որը 6։3, 6։4 հաշվով պարտության մատնեց Ալեքսանդր Բուբլիկին։

Զուգախաղում Ջոկովիչը Նիկոլա Չաչիչի հետ պարտության մատնեց Անդրեյ Գոլուբեւին եւ Ալեքսանդր Նեդովեսովին՝ 6:2, 2:6, 6:3։

Կիսաեզրափակիչում սերբերի մրցակիցը կլինի Խորվաթիայի թիմը, որը պայքարից դուրս էր թողել Իտալիայի հավաքականին։

Ռուսաստանի հավաքականը դեկտեմբերի 2-ին քառորդ եզրափակիչում կմրցի շվեդների հետ։ Այս զույգի հաղթողը կիսաեզրափակիչում կհանդիպի Գերմանիայի հավաքականի հետ, որը 2։1 հաշվով պարտության էր մատնել գերմանացիներին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։