Ֆրանսիական ՊՍԺ-ի նախկին խաղացող, իտալական «Միլանի» 40-ամյա շվեդ հարձակվող Զլատան Իբրահիմովիչը խոստովանել է, որ փարիզյան թիմի եւ աշխարհի չեմպիոն Ֆրանսիայի հավաքականի հարձակվող Կիլիան Մբապեին հորդորել է հեռանալ ՊՍժ-ից, իսկ ֆրանսիական ակումբի նախագահ Նասեր Ալ Խելաիֆիին խորհուրդ է տվել չվաճառել Մբապեին։
«Այո, ես Մբապեին խորհուրդ եմ տվել հեռանալ Փարիզից։ Մբապեին պետք է ավելի կարգավորված միջավայր, ինչպիսին կա Մադրիդի «Ռեալում»։
Նաեւ ճշմարտություն է՝ ՊՍԺ-ի նախագահին ասել եմ, որ պետք չէ վաճառել Մբապեին։ Ես սիրում եմ Կիլիանին, բայց այն, ինչ նա անում է, դեռ քիչ է ամենաբարձր մակարդակի համար»,- Իբրահիմովիչի խոսքը մեջբերում է RMC Sport-ը։
Մբապեի գործող պայմանագիրը ՊՍԺ-ի հետ նախատեսված է մինչեւ այս մրցաշրջանի ավարտը։ Ամռանը փարիզյան ակումբը հրաժարվեց 180 միլիոն եվրոյով Մբապեին վաճառել «Ռեալին»՝ հույս ունենալով, որ կերկարաձգի նրա պայմանագիրը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։