«Բարսելոնան» թիմի նախկին գլխավոր մարզիչ Կիկե Սետիենին կվճարի 4 միլիոն եվրո փոխհատուցում նրա պայմանագիրը վաղաժամ միակողմանի խզելու համար , հաղորդում է Cadena Ser-ը։
Կողմերը հասել են խաղաղ համաձայնության։ Ակումբն ընդունել է, որ Կիկե Սետիենի պաշտոնանկությունը եղել է սխալ ընթացակարգով։ Սետիենը և նրա օգնականներն իրենց պայմանագրերի խզման վերաբերյալ պաշտոնական գրություն «Բարսելոնայից» ստացել էին գլխավոր մարզիչի պաշտոնում հոլանդացի Ռոնալդ Կումանի նշանակումից 2 շաբաթ անց։
Այս համաձայնության շնորհիվ «Բարսելոնան» խուսափել է դատավարությունից։ 63-ամյա մասնագետը կարող էր հավակնել 14 միլիոն եվրո փոխհատուցման։
Սետիենը «Բարսելոնայի» գլխավոր մարզիչ էր նշանակվել 2020թ. հունվարի 13-ին։ Նույն թվականի օգոստոսի 17-ին ակումբը հեռացրել էր նրան Չեմպիոնների լիգայում «Բավարիայից» կրած 2։8 հաշվով պարտությունից հետո։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։