Հայ հեծանվորդները՝ ուժեղագույն հնգյակում
16:15 9 հոկտեմբերի, 2012Իրանի Մազանդարան նահանգում անցկացվեց խճուղային հեծանվավազքի միջազգային երիտասարդական ավանդական մրցաշարը: 11 երկրների 14 հավաքականների (տանտերերը հանդես եկան երեք թիմով) շարքում էին նաեւ Հայաստանի վեց հեծանվորդներ:
Մասնակիցները հաղթահարեցին 480 կմ, որը բաժանված էր հինգ փուլի: Նախնական երկու փուլից հետո Հայաստանի թիմը ընթանում էր առջեւից, սակայն հիվանդացել է առաջատար Էդվարդ Մաթոսյանը, որն այդուամենայնիվ շարունակել է պայքարը:
Հավաքականի գլխավոր մարզիչ Ալբերտ Սոլոյանը ՀԱՕԿ-ի լրատվության բաժնին հայտնել է, որ սպասելիքները գերազանցել է Հովհաննես Հովհաննիսյանը: 78 մրցակիցների պայքարում երեւանցի մարզիկն անհատապես գրավել է 8-րդ տեղը: Հովհաննեսը նաեւ երկու փուլում ճանաչվել է երկրորդը, իսկ մեկում` երրորդը: 16-ամյա Սարիբեկ Ավետիսյանը գրավել է 17-րդ, 16-ամյա Արսեն Դերձյանը՝ 21-րդ տեղը։ Հայ հեծանվորդները թիմային պայքարում եզրափակել են ուժեղագույն հնգյակը:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.