Սամուել Էտո'Օ. Առաջիկա 10-15 տարիներին լավագույնը կլինի Կիլիան Մբապեն
16:57 1 դեկտեմբերի, 2021«Բարսելոնայի», «Ինտերի», Կամերունի հավաքականի նախկին ֆուտբոլիստ Սամուել Էտո'Օ-ն կանխատեսել է, որ Մեսիի եւ Ռոնալդուի դարաշրջանի ավարտից հետո համաշխարհային ֆուտբոլի առաջատար խաղացողը կլինի ֆրանսիական ՊՍԺ-ի եւ աշխարհի չեմպիոն Ֆրանսիայի հավաքականի հարձակվող Կիլիան Մբապեն։
«Մբապեն հայտնվեց ճիշտ ժամանակին։ Մեսին ու Ռոնալդուն ֆուտբոլի աստվածներն են, բայց տարիքի պատճառով նրանք կարիերայի մայրամուտում են։ Շուտով կգա Մբապեի ժամանակը։
Ես կարծում եմ, որ նա կլինի լավագույն ֆուտբոլիստը առաջիկա 10-15 տարիներին։ Նա ունի բոլոր որակները, որպեսզի դառնա բացառիկ խաղացող Մեսիից եւ Ռոնալդուից հետո»,- Էտո'Օ-ի խոսքը մեջբերում է AS-ը։
22-ամյա ֆուտբոլիստը 2021թ. «Ոսկե գնդակի» քվեարկությունում զբաղեցրել է 7-րդ տեղը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։