Թոմաս Տուխել․ Մեծ կասկածներ ունեմ ֆուտբոլում անհատական մրցանակների վերաբերյալ

00:54   1 դեկտեմբերի, 2021

Չեմպիոնների լիգայի գավաթակիր Լոնդոնի «Չելսիի» գերմանացի գլխավոր մարզիչ Թոմաս Տուխելն անդրադարձել է ֆուտբոլում անհատական մրցանակների թեմային։

«Ես մեծ կասկածներ ունեմ ֆուտբոլում անհատական մրցանակների վերաբերյալ։ Սա շատ բարդ մարզաձեւ է, որում շատ բան կախված է թիմային աշխատանքից եւ հաջողությունից։

Մեկ խաղացողը չի կարող ինքուրույն հաղթանակ բերել ֆուտբոլային խաղում, դա հնարավոր չէ։

Եթե առանձին ֆուտբոլիստներ փայլում են, ապա միայն թիմային ջանքերի շնորհիվ։ Այդ պատճառով էլ մենք ուրախ ենք, որ ճանաչվեցինք տարվա լավագույն ակումբ»,- Տուխելի խոսքը մեջբերում է Goal.com-ը։

Հիշեցնենք, որ «Ոսկե գնդակ» մրցանակաբաշխությունում France Football-ն առաջին անգամ սահմանել էր նաեւ տարվա լավագույն ակումբի անվանակարգ։ Մրցանակը բաժին հասավ «Չելսիին», որը Չեմպիոնների լիգայի գավաթից բացի այս տարի նվաճել է նաեւ Եվրոպայի սուպերգավաթը։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։