Երկարամյա դադարից հետո Արմավիրում դարձյալ կանցկացվեն ամենաբարձր մակարդակի ֆուտբոլային հանդիպումներ
20:14 30 նոյեմբերի, 2021Արմավիրում վերաբացվել է քաղաքային մարզադաշը։ Տեղի է ունեցել պաշտոնական արարողությունը։
Երկարամյա դադարից հետո այստեղ դարձյալ կանցկացվեն ամենաբարձր մակարդակի ֆուտբոլային հանդիպումներ՝ ինչպես տեղական նշանակության, այնպես էլ միջազգային, հաղորդում է ՀՖՖ-ի մամուլի ծառայությունը:
Արմավիրի մարզադաշտի վերակառուցման շինարարական աշխատանքները սկսվել էին 2018 թվականին, տեխնիկական պատճառներով կասեցվել էին 2019-ին: 2021-ին շինարարական աշխատանքները վերսկսվել էին նոր նախագծով: Վերակառուցման ծախսերը կազմել են 688 միլիոն դրամ: Մինչ այդ, մարզադաշտի տարածքում կառուցված է եղել 4 խաղադաշտ (երեքը՝ բնական, մեկը՝ արհեստական), որոնց արժեքը կազմել է 400 միլիոն դրամ: Շինարարության հիմնական մասն իրականացվել է ՀՖՖ-ի կողմից՝ ՖԻՖԱ-ի և ՈւԵՖԱ-ի մասնակի աջակցությամբ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։