Անգլիական «Լիվերպուլի» գերմանացի գլխավոր մարզիչ Յուրգեն Կլոպը մեկնաբանել է «Ոսկե գնդակի» քվեարկության արդյունքները։
Մրցանակը 7-րդ անգամ ստացել է ֆրանսիական ՊՍԺ-ի արգենտինացի հարձակվող Լիոնել Մեսին, Գերմանիայի չեմպիոն Մյունխենի «Բավարիայի» լեհ հարձակվող Ռոբերտ Լեւանդովսկին գրավել է երկրորդ տեղը։ «Լիվերպուլի» եւ Եգիպտոսի հավաքականի հարձակվող Մոհամեդ Սալահը 7-րդն է։
«Ինձ զարմացրեց Սալահի զբաղեցրած տեղը։ «Ոսկե գնդակի» համար քվեարկում են լրագրողները։ Եթե դուք համարում եք, որ Սալահը պետք է ավելի բարձր դիրքում լինի, դուք պետք է համոզեք ձեր գործընկերներին։ Անկասկած, Սալահը պետք է ավելի բարձր տեղ զբաղեցներ։
Մրցանակը միշտ կարելի է տալ Մեսիին նրա կարիերայի համար, բայց եթե Լեւանդովսկին այս անգամ էլ չստացավ «Ոսկե գնդակը», արդեն երբեք չի ստանա»,- Կլոպի խոսքը մեջբերում է Mirror-ը։
Լեւանդովսկին Կլոպի ղեկավարությամբ հանդես է եկել Դորտմունդի «Բորուսիայում»։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։