Դոնարումա․ Հույս ունեմ, որ ՊՍԺ-ի հետ կնվաճեմ ամեն ինչ

09:45   30 նոյեմբերի, 2021

Ֆրանսիական ՊՍԺ-ի եւ Եվրո-2020-ի չեմպիոն Իտալիայի հավաքականի 22-ամյա դարպասապահ Ջանլուիջի Դոնարուման «Ոսկե գնդակ» մրցանակաբաշխությունում տարվա լավագույն դարպասապահի՝ Լեւ Յաշինի անվան մրցանակին արժանանալուց հետո հույս է հայտնել, որ փարիզյան ակումբի հետ կնվաճի բոլոր հնարավոր տիտղոսներն ու մրցանակները։

«Եվրոպայի առաջնությունում տարած հաղթանակով մենք երջանկացրինք բոլոր իտալացիներին։ Ցանկանում եմ շնորհակալություն հայտնել բոլոր նրանց, ովքեր հնարավոր դարձրին իմ տեղափոխությունը ՊՍԺ։ Հույս ունեմ այս ակումբի հետ նվաճել ամեն ինչ։ Շնորհակալ եմ ընտանիքիս, ըկերուհուս, բոլորին, ում շնորհիվ այս մրցանակը ստանալը դարձավ հնարավոր»,- Դոնարումայի խոսքը մեջբերում է ESPN-ը։

Այս տարի Դոնարուման աշխարհի լավագույն դարպասապահ է ճանաչվել նաեւ Ֆուտբոլային պատմության եւ վիճակագրության միջազգային ֆեդերացիայի (IFFHS) վարկածով։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։