Մեսին՝ Լեւանդովսկուն․ Անցած տարի դու պետք է ստանայիր «Ոսկե գնդակը»

01:48   30 նոյեմբերի, 2021

7-րդ անգամ «Ոսկե գնդակի» արժանացած փարիզյան ՊՍԺ-ի արգենտինացի հարձակվող Լիոնել Մեսին Փարիզում տեղի ունեցած մրցանակաբաշխության ժամանակ հայտարարել է, որ 2020 թվականին աշխարհի լավագույն ֆուտբոլիստի մրցանակին պետք է արժանանար Մյունխենի «Բավարիայի» եւ Լեհաստանի հավաքականի հարձակվող Ռոբերտ Լեւանդովսկին, որն այս անգամ քվեարկությունում զբաղեցրել է երկրորդ տեղը։

Կորոնավիրուսի համավարակի հետեւանքով «Ոսկե գնդակ» մրցանակաբաշխությունն անցած տարի չէր անցկացվել։

«Դու վաստակել ես քո «Ոսկե գնդակը»։ Բոլորը կհամաձայնեն, որ անցած տարի դու պետք է ստանայիր այս մրցանակը»,- ասել է Մեսին։

34-ամյա ֆուտբոլիստն այս տարի Արգենտինայի հավաքականի հետ առաջին անգամ նվաճել է Ամերիկայի գավաթը։ Տարվա առաջին կեսը «Բարսելոնայում» անցկացրած Մեսին դարձել է նաեւ Իսպանիայի գավաթակիր եւ Իսպանիայի առաջնության լավագույն ռմբարկու։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։