Ռալֆ Ռանգնիկ․ «Մանչեսթեր Յունայթեդում» հավաքված են տաղանդավոր ֆուտբոլիստներ

17:19   29 նոյեմբերի, 2021

Գերմանացի Ռալֆ Ռանգնիկը մեկնաբանել է իր նշանակումը «Մանչեսթեր Յունայթեդի» գլխավոր մարզիչի պաշտոնում։ Նա անգլիական թիմը կգլխավորի մինչեւ այս մրցաշրջանի ավարտը։

«Ուրախ եմ միանալ «Մանչեսթեր Յունայթեդին» եւ կենտրոնացած եմ այս մրցաշրջանը հաջող ավարտին հասցնելու վրա։ Թիմում հավաքված են տաղանդավոր ֆուտբոլիստներ։ Կոլեկտիվն ունի երիտասարդության եւ փորձի բալանս։

Առաջիկա վեց ամիսներին իմ բոլոր ջանքերն ուղղված կլինեն այս խաղացողների անհատական եւ թիմային ներուժի իրացմանը»,- 63-ամյա մասնագետի խոսքը մեջբերում է մանչեսթերյան ակումբի մամուլի ծառայությունը։

Անգլիական մամուլը գրել էր, որ գերմանական «Հոֆենհայմի» եւ «ՌԲ Լայպցիգի» նախկին գլխավոր մարզիչը մանչեսթերյան թիմում կստանա տարեկան 9 միլիոն եվրո աշխատավարձ։

Նորվեգացի Ուլե-Գունար Սուլշերի պաշտոնանկությունից հետո «Մանչեսթեր Յունայթեդի» գլխավոր մարզիչի պաշտոնակատարն էր անգլիացի Մայքլ Քերիկը։

Անգլիայի առաջնության 13 տուրից հետո «Մանչեսթեր Յունայթեդը» 18 միավորով 8-րդ տեղում է։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։