IFFHS. Դոնարուման՝ տարվա լավագույն դարպասապահ

14:49   29 նոյեմբերի, 2021

Եվրոպայի չեմպիոն Իտալիայի հավաքականի եւ ֆրանսիական ՊՍԺ-ի դարպասապահ Ջանլուիջի Դոնարուման Ֆուտբոլային պատմության եւ վիճակագրության միջազգային ֆեդերացիայի (IFFHS) կողմից ճանաչվել է 2021թ․ աշխարհի լավագույն դարպասապահ։

Նա քվեարկությունում գրավել է առաջին տեղը՝ հավաքելով 170 միավոր։ Երկրորդ տեղում է Գերմանիայի չեմպիոն Մյունխենի «Բավարիայի» եւ Գերմանիայի հավաքականի դարպասապահ Մանուել Նոյերը՝ 75 միավոր։ Լավագույն եռյակը եզրափակում է Չեմպիոնների լիգայի հաղթող Լոնդոնի «Չելսիի» եւ Սենեգալի հավաքականի ներկայացուցիչ Էդուարդ Մենդին՝ 40 միավոր։

Լավագույն հնգյակում են նաեւ անգլիական «Աստոն Վիլայի» եւ Ամերիկայի գավաթակիր Արգենտինայի հավաքականի դարպասապահ Էմիլիանո Մարտինեսն ու Իսպանիայի չեմպիոն Մադրիդի «Աթլետիկոյի» եւ Սլովենիայի հավաքականի դարպասապահ Յան Օբլակը։

Ջանլուիջի Դոնարուման այս տարի ճանաչվել էր նաեւ Եվրո-2020-ի լավագույն խաղացող։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։