«Չելսին» 4 տարուց ավելի Պրեմիեր լիգայում չի հաղթել «Մանչեսթեր Յունայթեդին»
10:48 29 նոյեմբերի, 2021Լոնդոնի «Չելսին» չորս տարուց ավելի չի կարողանում հաղթել «Մանչեսթեր Յունայթեդին» Անգլիայի առաջնության հանդիպումներում։
Պրեմիեր լիգայի 13-րդ տուրում «Չելսին» տանը մանչեսթերյան թիմի հետ հանդիպումն ավարտել էր ոչ ոքի՝ 1։1։
Նախորդ անգամ «Չելսին» «Մանչեսթեր Յունայթեդին» Անգլիայի առաջնությունում հաղթել է 2017թ․ նոյեմերի 5-ին (1:0)։ Դրանից հետո 5 անգամ գրանցվել է ոչ ոքի, 3 խաղում հաղթել է մանչեսթերյան թիմը։
Հիշեցնենք, որ նոյեմբերի 28-ին տեղի ունեցած խաղում առաջինը հաջողության էր հասել «Մանչեսթեր Յունայթեդը» անգլիացի կիսապաշտպան Ջեյդոն Սանչոյի գոլի շնորհիվ։ Հավասարությունը վերականգնել էր դաշտի տերերի իտալացի կիսապաշտպան Ժորժինյոն 11 մետրանոցից։
«Չելսին» 30 միավորով գլխավորում է մրցաշարային աղյուսակը եւ 1 միավոր է առաջ երկրորդ տեղում ընթացող չեմպիոն «Մանչեսթեր Սիթիից»։ «Մանչեսթեր Յունայթեդը» 8-րդն է՝ 18 միավոր։
Անգլիայի առաջնություն, 13-րդ տուր
«Չելսի» - «Մանչեսթեր Յունայթեդ»՝ 1։1 (տեսանյութ)
Ժորժինյո, 69, 11մ - Ջեյդոն Սանչո, 50
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։