Սերխիո Ռամոս․ Ես երջանիկ եմ եւ շատ գոհ, բացառիկ զգացողություն է

21:45   28 նոյեմբերի, 2021

Իսպանացի պաշտպան Սերխիո Ռամոսը մեկնաբանել է իր նորամուտը ֆրանսիական ՊՍԺ-ում։ Ֆուտբոլիստը մոտ 6 ամիս դուրս չէր եկել խաղադաշտ սրունքի մկանային վնասվածքի պատճառով։

«Ես երջանիկ եմ եւ շատ գոհ։ Բացառիկ զգացողություն է։ Առանձնահատուկ օր է իմ կարիերայում այսքան ժամանակ չխաղալուց հետո։ Ինձ համար կարեւոր է օգնել թիմին 90 րոպե։

Մենք լավ խաղացինք եւ վաստակեցինք 3 միավոր։ Պետք է շարունակենք նույն ոգով։ Առաջին խաղիս համար ամեն ինչ լավ անցավ։ Ժամանակի ընթացում ավելի լավ կճանաչեմ ակումբակիցներիս, նրանք էլ՝ ինձ։ Դա ավելի շատ ուժ կտա»,- 35-ամյա ֆուտբոլիստի խոսքը մեջբերում է փարիզյան ակումբի մամուլի ծառայությունը։

Հիշեցնենք, որ ՊՍԺ-ն «Սենթ Էթյենին» հաղթել է 3։1 հաշվով եւ 40 միավորով գլխավորում է մրցաշարային աղյուսակը։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։