Յան Նեպոմնյաշչի - Մագնուս Կարլսեն՝ դարձյալ ոչ ոքի (ֆոտո)

Դուբայում անցկացվող շախմատի աշխարհի չեմպիոնական մրցամարտում տեղի ունեցավ երրորդ պարտիան։ Աշխարհի չեմպիոն, 30-ամյա նորվեգացի Մագնուս Կարլսենի (2855) եւ տիտղոսի հավակնորդ, 31-ամյա ռուսաստանցի Յան Նեպոմնյաշչու (2782) միջեւ։ Սպիտակ ֆիգուրներով հանդես եկավ հավակնորդը։ 41-րդ քայլու գրանցվեց ոչ ոքի։

Առաջին երկու պարտիաներում եւս գրանցվել էր ոչ ոքի։

2013-ին աշխարհի չեմպիոնի կոչումը հնդիկ Վիշի Անանդի դեմ մրցամարտում նվաճած Մագնուս Կարլսենը չորրորդ անգամ է պաշտպանում տիտղոսը։

Մինչեւ դեկտեմբերի 14-ը կանցկացվի 14 դասական պարտիա։ Հավասար հաշվի դեպքում դեկտեմբերի 15-ին կանցկացվի արագ շախմատի 4 պարտիա։ Հավասարության դեպքում կանցկացվի կայծակնային խաղի 2 պարտիա։ Դարձյալ հաղթողին չպարզելու դեպքում, կայծակնային խաղի պարտիաները կլինեն 5-ը։ Եթե դրանից հետո էլ գրանցվի ոչ ոքի, կնշանակվի «արմագեդոն» պարտիա։ Ոչ ոքիի դեպքում, հաղթող կչանաչվի սեւ ֆիգուրներով հանդես եկած շախմատիստը։

Հաղթողը կստանա 1,2 միլիոն եվրո (թայ-բրեյքում՝ 1,1 միլիոն), պարտվողը՝ 800 հազար եվրո (թայ-բրեյքում՝ 900 հազար)։

Բոլոր պարտիաները Երեւանի ժամանակով 16։30-ին են։

Which question shall we ask the players at the post-game press conference today? As usual, shoot your variants It becomes a nice tradition! #CarlsenNepo pic.twitter.com/k0fxodzwu2

— International Chess Federation (@FIDE_chess) November 28, 2021