Մադրիդի «Ռեալը» մտադիր չէ բավարարել Պոլ Պոգբայի ֆինանսական պահանջները

17:32   27 նոյեմբերի, 2021

Մադրիդի «Ռեալը» հրաժարվել է անգլիական «Մանչեսթեր Յունայթեդի» եւ աշխարհի չեմպիոն Ֆրանսիայի հավաքականի կիսապաշտպան Պոլ Պոգբայի հետ հաջորդ ամռանը պայմանագիր կնքելու մտադրությունից, քանի որ նպատակահարմար չի համարում բավարարել նրա ֆինանսական պահանջները։

Պոլ Պոգբան «Մանչեսթեր Յունայթեդում» ստանում է տարեկան 15 միլիոն ֆունտ ստերլինգ աշխատավարձ եւ ցանկանում է նույնքան ստանալ հաջորդ ակումբում, հաղորդում է իսպանական Marca-ն։

Նրա պայմանագիրն անգլիական ակումբի հետ նախատեսված է մինչեւ այս մրցաշրջանի ավարտը։ Կողմերը համաձայնության չեն հասնում նոր պայմանագրի վերաբերյալ։

Պոգբան այժմ վերականգնվում է վնասվածքից հետո եւ խաղադաշտ կվերադառնա հունվարին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։