Ֆուտբոլի Պորտուգալիայի հավաքականի գլխավոր մարզիչ Ֆերնանդու Սանտուշն աշխարհի առաջնության ընտրական փուլի փլեյ-օֆֆի վիճակահանությունից հետո վստահություն է հայտնել, որ պորտուգալացիները կնվաճեն եզրափակիչ մրցաշարի ուղեգիր։
Փլեյ-օֆֆի կիսաեզրափակիչում Պորտուգալիան կմրցի Թուրքիայի հետ։ Այս զույգի հաղթողը եզրափակիչում ուղեգրի համար կպայքարի Իտալիա - Հյուսիսային Մակեդոնիա դիմակայության հաղթողի հետ։
«Մենք պետք է կենտրոնանանք Թուրքիայի դեմ խաղի վրա։ Դրական է այն, որ Թուրքիային հաղթելու դեպքում, եզրափակիչն անցկացնելու ենք մեր խաղադաշտում։ Բայց դրա համար պետք է հաղթել Թուրքիայի հավաքականին։
Կարեւոր է, որ մենք կստանանք մեր երկրպագուների աջակցությունը եւ կխուսափենք թռիչքներից, որոնք հոգնեցնում են։ Հիմա պետք է լավ պատրաստվել եւ մարտին ցուցադրել լավ խաղամակարդակ։
Թուրքիան ունի շատ լավ խաղացողներ։ Այդ թիմը միշտ դժվարություններ է ստեղծում, բայց ես վստահ եմ, որ մենք կնվաճենք եզրափակիչ մրցաշարի ուղեգիրը»,- Սանտուշի խոսքը մեջբերում է RMC Sport-ը։
Կիսաեզրափակիչի հանդիպումները տեղի կունենան մարտի 24-ին եւ 25-ին, եզրափակիչի հանդիպումները՝ մարտի 28-ին եւ 29-ին։
Հաղթողները հայտնի կդառնան մեկ հանդիպման արդյունքում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։