Յուրգեն Կլոպ. Ցավոք, գերազանց մարզիչ է գալիս Անգլիա

18:22   26 նոյեմբերի, 2021

Անգլիական «Լիվերպուլի» գերմանացի գլխավոր մարզիչ Յուրգեն Կլոպը մեկնաբանել է «Մանչեսթեր Յունայթեդի» գլխավոր մարզիչի պաշտոնում գերմանացի Ռալֆ Ռանգնիկի առաջիկա նշանակումը։

«Ցավոք, գերազանց մարզիչ է գալիս Անգլիա՝ «Մանչեսթեր Յունայթեդ»։ Նա շատ փորձառու մենեջեր է, որը ոչնչից Գերմանիայում կառուցել է «Հոֆենհայմը» եւ «Լայպցիգը»։ Ֆուտբոլում շատ են տարբեր աշխատանքները, բայց նա միշտ ցանկացել է լինել մարզիչ, մենեջեր։

«Յունայթեդը» կլինի շատ կազմակերպված խաղադաշտում։ Դա այդքան էլ լավ չէ մյուս թիմերի համար»,- Կլոպի խոսքը մեջբերում է BBC-ն։

Ոչ պաշտոնական տվյալներով՝ Ռալֆ Ռանգնիկը «Մանչեսթեր Յունայթեդը» կգլխավորի մինչեւ այս մրցաշրջանի ավարտը։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։