Էմիլ Դանիելյանը՝ սուսերամարտի մրցաշարի հաղթող

12:47   9 հոկտեմբերի, 2012

Երեւանի Սլավոնական համալսարանի մարզադահլիճում կայացել է սուսերամարտի միջազգային մրցաշար Հայաստանի, Իրանի, Քուվեյթի եւ Վրաստանի  81 մարզիկ-մարզուհիների մասնակցությամբ:

Հայաստանի ներկայացուցիչներից հաղթող է դարձել միայն ճկասուսերակիր Էմիլ Դանիելյանը: Մյուս երեք առաջին մրցանակները իրենց հետ Վրաստան տարան Թեոնա Գոգլիձեն (ճկասուսեր), Մարիա Զաքիրչենկոն  եւ Միքայել Միքայելյանը (երկուսն էլ ` խոցասուսեր): Միքայելը Միքայելյանը երեւանյան դպրոցի սան է եւ ընդամենը յոթ ամիս է բնակվում է Թբիլիսիում:

Գլխավոր մրցավար, միջազգային կարգի մրցավար Արտաշ Մադոյանը մրցումներից հետո ասաց, որ տանտերերի գլխավոր նպատակը մրցափորձը հարստացնելն էր: Առանձին զենքաձեւերի մասնագետների համար կարեւոր իրադարձությունները եկող տարվա փետրվարին եւ մարտին հաջորդաբար անցկացվելիք Եվրոպայի (Հունգարիայում) եւ աշխարհի (Խորվաթիայում)  առաջնություններն են, որոնցում հայ մարզիկները պետք է ներկայանան լավագույն մարզավիճակով: Մինչեւ այդ նոյեմբերին Երեւանում կանցկացվի Հայաստանի առաջնություն, իսկ դեկտեմբերին Թեհրանում կկայանա աշխարհի գավաթի խաղարկության փուլային մրցաշարը:

ՀԱՕԿ-ի լրատվության բաժին



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։