ՉԼ․ Շաբաթվա լավագույն խաղացողի մրցանակի հավակնորդները

Չեմպիոնների լիգայի խմբային մրցաշարի 5-րդ տուրի հանդիպումների արդյունքում, ՈւԵՖԱ-ն հրապարակել է շաբաթվա լավագույն ֆուտբոլիստի հավակնորդների քառյակը․

Միլանի «Ինտերի» բոսնիացի հարձակվող Էդին Ջեկո, որը դուբլի հեղինակ է դարձել Դոնեցկի «Շախտյորի» դեմ խաղում (2:0)։

«Այաքսի» կոտդիվուարցի հարձակվող Սեբաստիեն Ալեր, որի 2 գոլի շնորհիվ Ամստերդամի թիմը հաղթեց թուրքական «Բեշիկթաշին»՝ (2:1)։

«ՌԲ Լայպցիգի» շվեդ կիսապաշտպան Էմիլ Ֆորսբերգ, որը դուբլի հեղինակ է դարձել բելգիական «Բրյուգեի» դեմ խաղում (5:0)։

Պորտուգալական «Սպորտինգի» պորտուգալացի կիսապաշտպան Պեդրու Գոնսալվեշ, որը 2 գոլի եւ 1 գոլային փոխանցման հեղինակ է դարձել Դորտմունդի «Բորուսիայի» դեմ խաղում (3:1)։

Քվեարկությունն անցկացվում է ՈւԵՖԱ-ի կայքում։