Չեմպիոնների լիգա․ 11 թիմ արդեն նվաճել է 1/8 եզրափակիչի ուղեգիր

09:50   25 նոյեմբերի, 2021

Ֆուտբոլի եվրոպական Չեմպիոնների լիգայի խմբային մրցաշարի վերջին տուրից առաջ 11 թիմ արդեն նվաճել է 1/8 եզրափակիչի ուղեգիր։

Նախավերջին տուրից առաջ փլեյ-օֆֆում տեղն ապահովել էին Մյունխենի «Բավարիան», Թուրինի «Յուվենտուսը», Ամստերդամի «Այաքսն» ու անգլիական «Լիվերպուլը»։

5-րդ տուրի հանդիպումների արդյունքում նրանց միացան Անգլիայի չեմպիոն «Մանչեսթեր Սիթին», Չեմպիոնների լիգայի գավաթակիր Լոնդոնի «Չելսին», Իտալիայի չեմպիոն Միլանի «Ինտերը», Մադրիդի «Ռեալը», Լիսաբոնի «Սպորտինգը», ֆրանսիական ՊՍԺ-ն, անգլիական «Մանչեսթեր Յունայթեդը»։

Խմբերում երրորդ տեղն են գրավել ու Եվրոպայի լիգայի փլեյ-օֆֆի ուղեգիր նվաճել են Սանկտ Պետերբուրգի «Զենիթը», Տիրասպոլի «Շերիֆը» եւ Դորտմունդի «Բորուսիան»։

Դոնեցկի «Շախտյորը», Կիեւի «Դինամոն», թուրքական «Բեշիկթաշը» եւ շվեդական «Մալմյոն» արդեն զրկվել են եվրագավաթային փլեյ-օֆֆից։

Չեմպիոնների լիգայի վերջին տուրի հանդիպումները տեղի կունենան դեկտեմբերի 7-8-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։