Թուրինի «Յուվենտուսը» հետաքրքրված է իտալական «Ֆիորենտինայի» հարձակվող Դուշան Վլահովիչի ծառայություններով։ Հունվարի տրանսֆերային պատուհանի ժամանակ «Յուվենտուսը» 21-ամյա ֆուտբոլիստի տրանսֆերի համար կառաջարկի 50 միլիոն եվրո, հաղորդում է gazetta.it-ը։ Նշվում է, որ Դուշան Վլահովիչը ցանկանում է կարիերան շարունակել թուրինյան ակումբում։
Ընթացիկ մրցաշրջանում Դուշան Վլահովիչը «Ֆիորենտինայի» հետ մասնակցել է 14 հանդիպման, խփել 12 գոլ։
Իտալիայի անցած առաջնությունում նա մասնակցել է 37 հանդիպման, խփել 21 գոլ, ճանաչվել լավագույն երիտասարդ ֆուտբոլիստ։
Վլահովիչը 2018-ին «Ֆիորենտինա» է տեղափոխվել սերբական «Պարտիզանից»։ Նրա պայմանագիրն իտալական ակումբի հետ նախատեսված է մինչեւ 2023թ. հունիս։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։