Ռոբերտո Մանչինին հրաժարվել է գլխավորել «Մանչեսթեր Յունայթեդը»
15:57 24 նոյեմբերի, 2021Եվրոպայի չեմպիոն Իտալիայի հավաքականի գլխավոր մարզիչ Ռոբերտո Մանչինին հրաժարվել է զբաղեցնել անգլիական «Մանչեսթեր Յունայթեդի» գլխավոր մարզիչի պաշտոնը, որը թափուր է նորվեգացի Ուլե-Գունար Սուլշերի պաշտոնանկությունից հետո, հաղորդում է Bild-ը։
56-ամյա մասնագետի համար առաջնային է 2022թ. աշխարհի առաջնության ընտրական փուլի գարնանային փլեյ-օֆֆը։ Իտալիան դեռ չի նվաճել եզրափակիչ մրցաշարի ուղեգիրը եւ մարտին կշարունակի պայքարը անցումային հանդիպումներում։
«Մանչեսթեր Յունայթեդի» թեկնածուների ցուցակում են իսպանացիներ Ունաի Էմերին («Վիլյառեալ») ու Խուլեն Լոպետեգին («Սեւիլիա»), արգենտինացի Մաուրիսիո Պոչետինոն (ՊՍԺ) ու հյուսիսիռլանդացի Բրենդան Ռոջերսը («Լեսթեր Սիթի»)։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։