Մբապեի եւ Մեսիի գոլերը հաղթանակ բերեցին ՊՍԺ-ին (տեսանյութ)

21:58   20 նոյեմբերի, 2021

Ֆրանսիայի առաջնության 14-րդ տուրում ՊՍԺ-ն ընդունեց «Նանտին» եւ հաղթանակ տարավ 3։1 հաշվով։

Արդեն երկրորդ րոպեին աչքի ընկավ փարիզյան թիմի ֆրանսիացի հարձակվող Կիլիան Մբապեն։

65-րդ կարմիր քարտ ստացավ դաշտի տերերի կոստառիկացի դարպասապահ Կեյլոր Նավասը: Բրազիլացի հարձակվող Նեյմարի փոխարեն խաղադաշտ դուրս եկավ իսպանացի դարպասապահ Սերխիո Ռիկոն։

76-րդ րոպեին հյուրերից հավասարությունը վերականգնեց ֆրանսիացի հարձակվող Ռանդալ Կոլո Մուանին։

ՊՍԺ-ն առաջ անցավ հաշվի մեջ 81-րդ րոպեին հյուրերի ֆրանսիացի պաշտպան Դենիս Ապիայի ինքնագոլի շնորհիվ։ Արգենտինացի հարձակվող Լիոնել Մեսին էլ 87-րդ րոպեին խփեց իր առաջին գոլը Ֆրանսիայի առաջնությունում։

ՊՍԺ-ն 37 միավորով գլխավորում է մրցաշարային աղյուսակը եւ 13 միավոր առաջ է երկրորդ տեղում ընթացող «Լանսից»։ «Նանտը» 11-րդն է՝ 18 միավոր։

Ֆրանսիայի առաջնություն, 14-րդ տուր

ՊՍԺ - Նանտ՝ 3։1 (տեսանյութ)

Կիլիան Մբապե, 2, Դենիս Ապիա, 81, ինքնագոլ, Լիոնել Մեսի, 87 - Ռանդալ Կոլո Մուանի, 76

Հեռացում՝ Կեյլոր Նավաս (ՊՍԺ), 65



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։