Ավարտվեց ֆուտբոլի աշխարհի առաջնության ընտրական փուլի խմբային մրցաշարը եվրոպական գոտում։ 10 խմբերում առաջին տեղերը գրաված թիմերը նվաճեցին ուղեգրերը։
Այդ թիմերն են Սերբիան, Իսպանիան, Շվեյցարիան, Դանիան, Բելգիան, Ֆրանսիան, Խորվաթիան, Գերմանիան, Անգլիան ու Նիդերլանդները։
Անցումային հանդիպումներին գարնանը կմասնակցեն Շոտլանդիան, Չեխիան, Ռուսաստանը, Ուկրաինան, Շվեդիան, Ավստրիան, Հյուսիսային Մակեդոնիան, Լեհաստանը, Պորտուգալիան, Ուելսը, Իտալիան ու Թուրքիան։
Վիճակահանությունը տեղի կունենա նոյեմբերի 26-ին Ցյուրիխում։ Լարված հարաբերությունների պատճառով Ռուսաստանն ու Ուկրաինան չեն խաղա իրար դեմ։
Չեխիան ու Ավստրիան փլեյ-օֆֆին մասնակցելու իրավունք են ստացել ՈւԵՖԱ-ի Ազգերի լիգայում ամենաբարձր վարկանիշի շնորհիվ այն թիմերից, որոնք ընտրական խմբերում չեն գրավել առաջին եւ երկրորդ տեղերը։
Առաջին անգամ փլեյ-օֆֆը կանցկացվի կիսաեզրափակիչ եւ եզրափակիչով։ Կվիճարկվի եւս 3 ուղեգիր։ Կիսաեզրափակիչի հանդիպումները տեղի կունենան մարտի 24-ին, եզրափակիչի խաղերը՝ մարտի 29-ին։
Կիսաեզրափակիչում Պորտուգալիան, Շոտլանդիան, Իտալիան, Ռուսաստանը, Շվեդիան ու Ուելսը կլինեն զույգերում ընդունող կողմը։ Եզրափակիչի երեք զույգերում հյուրընկալող թիմը կընտրվի վիճակահանությամբ։
World Cup play-offs
— European Qualifiers (@EURO2024) November 16, 2021
Portugal
Scotland
Italy
Russia
Sweden
Wales
Poland
North Macedonia
Turkey
Ukraine
Austria
Czech Republic#WCQ pic.twitter.com/kqLszrk3df
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։