Թուրինում անցկացվող Պրոֆեսիոնալ թենիսիստների ասոցիացիայի տարվա ամփոփիչ առաջնությունում (ATP Finals) երկրորդ հաղթանակը տարավ ռուսաստանցի Դանիիլ Մեդվեդեւը եւ դուրս եկավ կիսաեզրափակիչ։ Նա 2 ժամ եւ 39 րոպեում պարտության մատնեց Գերմանիայի ներկայացուցիչ Ալեքսանդր Զվերեւին՝ 6:3, 6:7 (3:7), 7:6 (8:6)։
Խմբային փուլի առաջին տուրում Դանիիլ Մեդվեդեւը 6:7 (5:7), 6:3, 6:4 հաշվով առավելության էր հասել լեհ Հուբերտ Հուրկաչի նկատմամբ։
Վերջին տուրում Դանիիլ Մեդվեդեւի մրցակիցը կլինի իտալացի Մատեո Բերետինին։
Մեդվեդեւը պաշտպանում է անցած տարի այս մրցաշարում նվաճած տիտղոսը։ Նա 7-րդ անընդմեջ հաղթանակը տարավ ամփոփիչ առաջնություններում։
ATP Finals-ի մրցանակային հիմնադրամը 7 միլիոն 250 հազար դոլար է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։