Եվրո-2022 Մ-19․ Հայաստանի հավաքականը պարտվեց խորվաթներին
17:01 13 նոյեմբերի, 2021Խորվաթիայի Լուցկո քաղաքում անցկացվող ֆուտբոլի Եվրոպայի մինչեւ 19 տարեկանների առաջնության որակավորման 11-րդ խմբի երկրորդ տուրում Հայաստանի թիմը մրցեց խմբի առաջատար Խորվաթիայի հետ։
Վարազդատ Ավետիսյանի գլխավորած թիմը պարտություն կրեց 0։2 հաշվով՝ գոլերը բաց թողնելով 17-րդ եւ 27-րդ րոպեներին։
Խորվաթիան 6 միավորով ապահովեց հաջորդ ընտրական փուլի ուղեգիրը։
Հայաստանի թիմը 3 միավորով երկրորդ տեղում է։ Նույնքան միավոր ունի նաեւ Շոտլանդիա, որը երկրորդ տուրում 3։0 պարտության մատնեց Ջիբրալթարի թիմին։
Հիշեցնենք, որ առաջին տուրում Հայաստանի հավաքականը 3։2 հաշվով կամային հաղթանակ էր տարել շոտլանդացիների նկատմամբ։
Մրցաշարի վերջին տուրում Հայաստանի թիմը նոյեմբերի 16-ին կմրցի Ջիբրալթարի հետ։ Առաջին երկու տեղերը գրաված թիմերը դուրս կգան հաջորդ ընտրական փուլ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։