Եվրոպայի չեմպիոն Կարեն Ավագյանը վնասվածքի պատճառով չի մասնակցի ԱԱ-ին

11:14   10 նոյեմբերի, 2021

Ծանրամարտի Եվրոպայի չեմպիոն Կարեն Ավագյանը գոտկատեղի վնասվածք է ստացել եւ չի մասնակցի աշխարհի առաջնությանը, ՀԱՕԿ-ի մամուլի ծառայությանը հայտնել է Հայաստանի հավաքականի գլխավոր մարզիչ Փաշիկ Ալավերդյանը։

Թիմն ավարտել է մարզումային հավաքը Ուկրաինայի Կամենեց  Պոդոլսկ քաղաքում  եւ վերադարձել է Հայաստան։ Այս ամիս թիմը հավաքներ կանցկացնի Երեւանում եւ Աբովյանում։

Ավելի վաղ Հայաստանի հավաքականի մարզիչ Վիգեն Խաչատրյանը NEWS.am Sport-ի թղթակցի հետ զրույցում հայտնել էր, որ «աշխարհի առաջնությանը կմասնակցեն 81 կգ քաշային Ռաֆիկ Հարությունյանը, 89 կգ քաշայիններ Անդրանիկ Կարապետյանն ու Կարեն Ավագյանը, 96 կգ քաշային Հակոբ Մկրտչյանն ու Դավիթ Հովհաննիսյանը, 102 կգ քաշային Սամվել Գասպարյանը, 109 կգ քաշայիններ Սիմոն եւ Արսեն Մարտիրոսյանները, +109 կգ քաշայիններ Գոռ Մինասյանը եւ Վարազդատ Լալայանը:

Աշխարհի առաջնությունը կանցկացվի դեկտեմբերի 7-17-ն Ուզբեկստանի մայրաքաղաք Տաշքենդում։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։