Սաուլ Ալվարեսը 40 միլիոն դոլար է ստացել Կալեբ Պլանտի նկատմամբ հաղթանակի համար

Պրոֆեսիոնալ բռնցքամարտի WBC, WBA եւ WBO վարկածներով աշխարհի չեմպիոն, 31-ամյա մեքսիկացի Սաուլ Կանելո Ալվարեսը սուպերմիջին քաշային կարգում (76,2) IBF վարկածով աշխարհի չեմպիոն, 29-ամյա ամերիկացի Կալեբ Պլանտի նկատմամբ տարած հաղթանակի համար ստացել է 40 միլիոն դոլար, հաղորդում է twitter.com/DanRafael1-ը։ Պլանտի հոնորարը կազմել է 10 միլիոն դոլար։

Լաս Վեգասի MGM Grand-ի ռինգում Ալվարեսը 11-րդ ռաունդում նոկաուտի էր ենթարկել մրցակցին եւ դարձել սուպերմիջին քաշային կարգում առաջին բացարձակ չեմպիոնը պատմության մեջ։

Սաուլ Ալվարեսը պատմության մեջ 6-րդ բռնցքամարտիկն է, որը մեկ քաշային կարգում նվաճում է բոլոր գոտիները։ Նրանից առաջ այդպիսի նվաճման հասել են Բեռնարդ Հոփքինսը, Ջերմեյն Թեյլորը, Թերենս Քրոուֆորդը, Ալեքսանդր Ուսիկը եւ Ջոշ Թեյլորը։