Սերբիայի մայրաքաղաք Բելգրադում ավարտվող ազատ ոճի ըմբշամարտի մինչեւ 23 տարեկանների աշխարհի առաջնությունում Հայաստանի ներկայացուցիչ Հրայր Ալիխանյանը նվաճեց բրոնզե մեդալ:
74 կգ քաշային կարգի բրոնզե մեդալի համար գոտեմարտում հայ ըմբիշը մրցեց ավստրիացի Սիմոն Մարչլի հետ եւ ժամանակից շուտ վստահ հաղթանակ տարավ 10:0 հաշվով:
Քիչ առաջ մինչեւ 23 տարեկանների աշխարհի չեմպիոնի հռչակվեց Հայաստանի առաջատար ըմբիշ, աշխարհի բրոնզե մեդալակիր, Եվրոպայի չեմպիոն Արսեն Հարությունյանը:
Նոյեմբերի 6-ին՝ աշխարհի Մ23 փոխչեմպիոնի կոչումը նվաճեց Վազգեն Թեւանյանը: Մինչեւ 23 տարեկանների աշխարհի առաջնությունում բրոնզե մեդալակիրներ դարձել Մանվել Խնձրցյանը (57 կգ), Արման Ավագյանը (79 կգ):
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։