Մ23 ԱԱ. Մարտին Սիմոնյանը կպայքարի բրոնզե մեդալի համար, Մհեր Մարկոսյանը պարտվեց
20:36 7 նոյեմբերի, 2021Սերբիայի մայրաքաղաք Բելգրադում ավարտին մոտեցող ազատ ոճի ըմբշամարտի մինչեւ 23 տարեկանների աշխարհի առաջնությունում 125 կգ քաշային կարգում Հայաստանի ներկայացուցիչ Մարտին Սիմոնյանը հաղթեց սփոփիչ գոտեմարտում եւ կպայքարի բրոնզե մեդալի համար:
Հայ ըմբիշը 5:2 հաշվով հաղթեց ալբանացի Պարիս Կարեպիին: Բրոնզե մեդալը Սիմոնյանը կվիճարկի Ռուսաստանը ներկայացնող Սայպուդին Մագոմեդովի հետ: Հայաստանի մեկ այլ ներկայացուցիչ 86 կգ քաշային Մհեր Մարկոսյանը պարտվեց եւ լքեց պայքարը: Մարկոսյանը սփոփիչ գոտեմարտում 0:4 հաշվով պարտվեց թուրք Էմրե Սիվտցիին:
Վերջին մրցումային օրը երեկոյան մրցահերթում ոսկե մեդալի համար կգոտեմարտի աշխարհի բրոնզե մեդալակիր, Եվրոպայի չեմպիոն, Հայաստանի առաջատար ըմբիշ Արսեն Հարությունյանը: 61 կգ քաշային կարգի եզրափակիչում հայ ըմբիշը կմրցի ռուսաստանցի Արթուր Չեբորդաեւի հետ: Բրոնզե մեդալի համար գոտեմարտեր կանցկացնեն նաեւ Հրայր Ալիխանյանը (74 կգ): Մրցակիցը ավստրիացի Սիմոն Մարչլն է:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։