Հաղթանակ վերջին 29 վայրկյանում. Արման Ավագյանը աշխարհի Մ23 բրոնզե մեդալակիր
22:47 6 նոյեմբերի, 2021Սերբիայում ընթացող ազատ ոճի ըմբշամարտի մինչեւ 23 տարեկանների աշխարհի առաջնությունում Հայաստանի ներկայացուցիչ Արման Ավագյանը կամային հաղթանակով նվաճեց բրոնզե մեդալ:
Հայ ըմբիշը 79 կգ քաշայինների բրոնզե մեդալի համար գոտեմարտում մրցեց վրացի Գոգա Մամիաուրիի հետ եւ վերջին վայրկյաններին հաղթեց 4:4 հաշվով՝ վերջին միավորի առավելությամբ:
Ավագյանը մինչեւ երկրորդ մրցափուլի ավարտը միավոր չկարողացավ վաստակել: Գոտեմարտի ավարտից 29 վայրկյան առաջ 0:4 հաշվով պարտվելիս նախ՝ երկու միավորանոց գցում կատարեց, ապա՝ եւս երկու միավորանոց գլորում արեց եւ հաշիվը դարձրեց 4:4:
Սա Հայաստանի երկրորդ բրոնզե մեդալն է Մ23 աշխարհի առաջնությունում:
Ավելի վաղ Հայաստանի համար բրոնզե մեդալ էր նվաճել նաեւ 57 կգ քաշային Մանվել Խնձրցյանը:
Իսկ Հայաստանի առաջատար ըմբիշներից Վազգեն Թեւանյանը նվաճեց աշխարհի Մ23 փոխչեմպիոնի կոչումը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։