Վազգեն Թեւանյանը՝ աշխարհի Մ23 փոխչեմպիոն
22:31 6 նոյեմբերի, 2021Հայաստանի առաջատար ըմբիշներից, աշխարհի գավաթի խաղարկության ոսկե մեդալակիր, մինչեւ 23 տարեկանների Եվրոպայի չեմպիոն Վազգեն Թեւանյանը չկարողացավ նվաճել Սերբիայում ընթացող ազատ ոճի ըմբշամարտի մինչեւ 23 տարեկանների աշխարհի չեմպիոնի կոչումը:
70 կգ քաշային կարգի եզրափակիչում հայ ըմբիշը մրցեց ղրղզ Էրնազար Ակմատալիեւի հետ եւ պարտվեց 2:10 հաշվով՝ նվաճելով մինչեւ 23 տարեկանների աշխարհի առաջնության արծաթե մեդալը:
Թեւանյանը պայքարը սկսել էր որակավորման փուլից, որտեղ 3:1 հաշվով հաղթել էր Գերմանիայի ներկայացուցիչ Շամիլ Ուստաեւին:
1/8-րդ եզրափակիչում հայ ըմբիշը 11:2 հաշվով տպավորիչ հաղթանակ էր տարել ուզբեկ Բեգիժոն Կուլդաշեւի նկատմամբ: Քառորդ եզրափակիչում 5:4 հաշվով պարտության էր մատնել թուրք Քութեյն Բուդակին, իսկ կիսաեզրափակիչում 5:4 հաշվով առավելության էր հասել մոլդովացի Նիկոլա Գրանմեժի նկատմամբ:
Ավելի վաղ Հայաստանի համար բրոնզե մեդալ էր նվաճեց 57 կգ քաշային Մանվել Խնձրցյանը:
Քիչ անց մրցագորգ դուրս կգա Արման Ավագյանը: 79 կգ քաշային կարգի բրոնզե մեդալի համար հայ ըմբիշը կգոտեմարտի վրացի Գոգա Մամիաուրիի հետ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.