Կոնֆերենցիաների լիգա․ «Ռոման» տանը չհաղթեց «Բուդյո-Գլիմտին», օրվա բոլոր արդյունքները (տեսանյութ)

Կոնֆերենցիաների լիգայի խմբային մրցաշարում տեղի ունեցան չորրորդ տուրի հանդիպումները։

C խմբում իտալական «Ռոման» տանը մրցեց Նորվեգիայի առաջնության առաջատար «Գլիմտի» հետ Բուդյո քաղաքից եւ բավարարվեց ոչ ոքի արդյունքով՝ 2։2 (տեսանյութ)։ Նախորդ տուրում հռոմեական թիմը Նորվեգիայում պարտվել էր 1։6 հաշվով։

Հայաստանի հավաքականի կիսապաշտպան Հենրիխ Մխիթարյանը պորտուգալացի Ժոզե Մոուրինյոյի գլխավորած թիմի մեկնարկային կազմում էր եւ փոխարինվեց ընդմիջմանը։

«Ռոմայի» առաջին գոլը 54-րդ րոպեին խփեց իտալացի հարձակվող Ստեֆան Էլ-Շաարավին։ Հյուրերի կազմում աչքի ընկան նորվեգացի հարձակվողներ Օլա Սոլբակենը (45-րդ րոպեին) եւ Էրիկ Բոտհեյմը (65-րդ րոպեին)։ 84-րդ րոպեին «Ռոմային» պարտությունից փրկեց բրազիլացի պաշտպան Ռոժեր Իբանյեսի գոլը։

Կոնֆերենցիաների լիգա, խմբային փուլ, չորրորդ տուր 

A խումբ

ԼԱՍԿ (Ավստրիա) - «Ալաշկերտ» (Հայաստան)՝ 2։0

«Մաքաբի Թել Ավիվ» (Իսրայել) - ՀԻԿ (Ֆինլանդիա)՝ 3։0

B խումբ

«Ֆլորա» (Էստոնիա) - «Անորտոսիս» (Կիպրոս)՝ 2։2

«Գենտ» (Բելգիա) - «Պարտիզան» (Սերբիա)՝ 1։1

C խումբ

«Ռոմա» (Իտալիա) - «Բուդյո-Գլիմտ» (Նորվեգիա)՝ 2։2

«Զարյա» (Ուկրաինա) - ԲԿՄԱ (Սոֆիա, Բուլղարիա)՝ 2։0

D խումբ

«ԱԶ Ալկմար» (Հոլանդիա) - «Կլուժ» (Ռումինիա)՝ 2։0

«Ռանդերս» (Դանիա) - «Յաբլոնեց» (Չեխիա)՝ 2։2

E խումբ

«Ունիոն Բեռլին» (Գերմանիա) - «Ֆեյենորդ» (Հոլանդիա)՝ 1։2

«Սլավիա» (Չեխիա) - «Մաքաբի Հայֆա» (Իսրայել)՝ 1։0

F խումբ

ՊԱՕԿ (Հունաստան) - «Կոպենհագեն» (Դանիա)՝ 1։2

«Լինքոլն» (Ջիբրալթար) - «Սլովան» (Սլովակիա)՝ 1:4

G խումբ

«Տոտենհեմ» (Անգլիա) - «Վիտես» (Հոլանդիա)՝ 3։2

«Ռեն» (Ֆրանսիա) - «Մուրա» (Սլովենիա)՝ 1։0

H խումբ

«Օմոնիա» (Կիպրոս) - «Բազել» (Շվեյցարիա)՝ 1:1

«Կայրաթ» (Ղազախստան) - «Ղարաբաղ» (Ադրբեջան)՝ 1:2