«Բավարիան» կրկնեց ՊՍԺ-ի ռեկորդը Չեմպիոնների լիգայում

12:53   3 նոյեմբերի, 2021

Գերմանիայի չեմպիոն Մյունխենի «Բավարիան» Չեմպիոնների լիգայի չորրորդ տուրում պորտուգալական «Բենֆիկային» 5։2 հաշվով հաղթելու շնորհիվ կրկնեց ֆրանսիական ՊՍԺ-ի արդյունավետության ռեկորդն այս մրցաշարի առաջին չորս խաղում, հաղորդում է Opta-ն։

Գերմանացի Յուլիան Նագելսմանի գլխավորած թիմը խմբային փուլի առաջին չորս տուրերում խփել է 17 գոլ, բաց թողել 2։

2017-2018 թվականների մրցաշրջանում ՊՍԺ-ն նույնպես առաջին չորս խաղում 17 գոլ էր խփել։

«Բավարիան» խմբային մրցաշարի ավարտից երկու տուր առաջ ապահովեց 1/8 եզրափակիչի ուղեգիրը։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։