ՉԼ․ Լեւանդովսկին գերազանցեց Մեսիի եւ Ռոնալդուի ռեկորդները (ֆոտո)

09:55   3 նոյեմբերի, 2021

Գերմանիայի չեմպիոն Մյունխենի «Բավարիայի» լեհ հարձակվող Ռոբերտ Լեւանդովսկին Չեմպիոնների լիգայում գերազանցեց ֆրանսիական ՊՍԺ-ի արգենտինացի հարձակվող Լիոնել Մեսիին եւ անգլիական «Մանչեսթեր Յունայթեդի» պորտուգալացի հարձակվող Կրիշտիանու Ռոնալդուին 100 խաղում խփած գոլերի քանակով։

Խմբային փուլի չորրորդ տուրում պորտուգալական «Բենֆիկային» երեք գոլ խփելու շնորհիվ Լեւանդովսկին Չեմպիոնների լիգայում գոլերի քանակը հասցրեց 81-ի։ Մեսին 100 խաղում խփել էր 77 գոլ, Ռոնալդուն՝ 64 գոլ։

Մեսին 80 գոլի սահմանագծին հասել էր 102 խաղում, Ռոնալդուն՝ 116 խաղում։

Հիշեցնենք, որ «Բավարիան» «Բենֆիկային» հաղթել է 5։2 հաշվով եւ խմբում չորս հաղթանակից հետո ապահովել է փլեյ-օֆֆի ուղեգիրը։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։